«ەلىمىزدىڭ اۋىل شارۋاشىلىعى, الەۋمەتتىك دامۋ مينيسترلىگى جانە وڭتۇستىك قازاقستان وبلىسى اكىمدىگى اراسىنداعى ء«ۇش جاقتى» ينديكاتيۆتى كورسەتكىشتەر جونىندە بەكىتىلگەن ءىس-شارالار شەڭبەرىندە اعىمداعى جىلعا تاعى دا 75 بىرلىك اۋىل شارۋاشىلىعى كووپەراتيۆتەرىن قۇرۋ جوسپارلانىپ وتىر. سونداي-اق, بۇل ماقساتقا 6,8 ملرد تەڭگە قاراجات ءبولىنىپ وتىر», - دەدى جانسەيىت قانسەيىت ۇلى.
ءوڭىر باسشىسىنىڭ ايتۋىنشا, فەرمەرلەردى نەسيەلەندىرۋ ءۇشىن «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسىنىڭ 2-ءشى باعىتىمەن 3,2 ملرد. تەڭگە, «اۋىل شارۋاشىلىعى قارجىلاي قولداۋ قورى» اق 1,9 ملرد.تەڭگە, «اگرارلىق نەسيە كورپوراتسياسى» اق ارقىلى 1,3 ملرد.تەڭگە بولىنەتىن بولادى.
قازىرگى تاڭدا كووپەراتيۆتەر جانىنداعى 2 ءسۇت قابىلداۋ, 2 مال سويۋ بەكەتتەرى 285 ملن. تەڭگە قارجىلاندىرىلعان. ودان بولەك, 9 مال سويۋ بەكەتى مەن 12 ءسۇت جيناۋ بەكەتىن قۇرۋعا 757 ملن. تەڭگەگە قۇجاتتار وتكىزىلىپ, كوميسسيا قاراۋىنا وتكىزىلگەن.
ايتا كەتەيىك, كووپەراتيۆتەر ماقساتتارىنا سايكەس ءىرى شارۋاشىلىق قۇرىلىمدارى رەتىندە باسەكەگە قابىلەتتى ءونىم ءوندىرىپ, قايتا وڭدەۋ كاسىپورىندارىنا شيكىزات كوزىن دايىنداۋ باعىتتارىندا جۇمىس جاسايدى. بيىل وڭىردە وسى جۇمىستاردىڭ ەسەبىنەن ەت جانە ءسۇت ونىمدەردەرىن قايتا وڭدەۋ كاسىپورىندارىنىڭ ورتاشا جۇكتەلىمىن 60%-دان 70%-عا كوتەرۋ بەلگىلەنگەن. مەملەكەت تاراپىنان كورسەتىلىپ جاتقان قولداۋ شارالارىن پايدالانىپ, جەڭىلدەتىلگەن نەسيە بەرۋ جانە سۋبسيديالاۋ جولدارى ارقىلى 2017 جىلى بارلىق بەكىتىلگەن جوسپارلار جىل اياعىنا دەيىن تولىق ورىندالادى.
وسى جىلدىڭ 4 ايىندا بىلتىرعى جىلمەن سالىستىرعاندا ەت ءوندىرۋ تىرىلەي سالماقتا – 4,1 , ءسۇت – 1,9 جۇمىرتقا ءوندىرۋ 6,9 پايىزعا كوبەيدى.
ەسەپتى كەزەڭدە ءمۇيىزدى ءىرى قارا بويىنشا مال باسى ءوسىمى – 5,5 پايىز, قوي مەن ەشكى -1,7 پايىز, جىلقى – 18,7 تۇيە – 6,5 قۇس – 5,9 پايىزعا ارتتى.
مال شارۋاشىلىعىن دامىتۋعا ارنالعان «سىباعا», «التىن اسىق», «قۇلان» جانە «ىرىس» باعدارلامالارى بويىنشا بەكىتىلگەن جوسپارعا سايكەس جۇمىس جۇرگىزىلۋدە.
